Kadalasang pinagmumulan ng away ng magkarelasyon ang Facebook. Kesyo kung sinu-sino ang ina-add pero hindi naman kakilala, yung nadala lang sa profile picture. Kung sinu-sino nalang ang kachat sa Messenger. Yung mas may oras pa siya dun kaysa sayo. Kung sinu-sino nalang ang pinu-pusuan. Tapos kapag binisita mo ang profile nila, halos lahat ng post, nakalike ang taong mahal mo. Sino naman ang hindi magagalit kapag ganito ang gawain ng mahal mo diba? Nakakaselos, nakaka-insecure at nakakasama ng loob.
Kapag hiningi mo naman ang account niya, irarason niya na “respeto naman sa privacy ko”. Eh respeto sa feelings ng girlfriend mo, meron ka ba? Hindi naman kasi porket alam niya ang account mo, mawawalan ka na ng privacy. Wala ka namang dapat ikatakot kung wala kang ginagawang milagro sa Facebook. Hindi niya papakialaman ang mga pag-uusap niyo ng mga kaibigan mo, hindi siya magpopost ng kung anu-ano sa account mo ng walang pahintulot. Sa madaling salita, wala siyang gagawin na pwedeng ikasira niyong dalawa pareho. Gusto niya lang na bantayan ka at maging open kayo sa isa’t isa para sa ikakaganda ng relasyon niyo.
